IFFCO AGT Recruitment 2025: ఇండియన్ ఫార్మర్స్ ఫెర్టిలైజర్ కోఆపరేటివ్ లిమిటెడ్ (IFFCO) 2025 ఫిబ్రవరి 28న అగ్రికల్చర్ గ్రాడ్యుయేట్ ట్రెయినీ (AGT) నియామకానికి నోటిఫికేషన్ విడుదల చేసింది. ఆసక్తి గల అభ్యర్థులు 2025 మార్చి 1 నుంచి 15వ తేదీ వరకు అధికారిక వెబ్‌సైట్ https://agt.iffco.in/ ద్వారా దరఖాస్తు చేసుకోవచ్చు. వ్యవసాయ రంగంలో కెరీర్ ప్రారంభించాలనుకునే అభ్యర్థులకు ఇది మంచి అవకాశం. రిక్రూట్మెంట్ ప్రక్రియ, అర్హతలు, పరీక్ష విధానం తదితర వివరాలను పూర్తిగా తెలుసుకోవడం అవసరం.
Advertisement
IFFCO AGT రిక్రూట్మెంట్ ప్రక్రియ
ఈ నియామకం కోసం అభ్యర్థులు మొదట కంప్యూటర్ బేస్డ్ ఆన్లైన్ పరీక్ష (CBT) రాయాల్సి ఉంటుంది. ప్రాథమిక పరీక్షలో ఉత్తీర్ణులైన అభ్యర్థులు ఫైనల్ ఆన్లైన్ పరీక్షకు ఎంపిక అవుతారు, ఇది అహ్మదాబాద్, బెంగళూరు, ఢిల్లీ, కోల్కతా, చెన్నై, లక్నో మరియు ఇతర నగరాల్లో నిర్వహిస్తారు. చివరగా, ఇంటర్వ్యూ ద్వారా తుది ఎంపిక జరుగుతుంది. అభ్యర్థులు దరఖాస్తు చేసుకునే ముందు అర్హతలు, పరీక్ష విధానం, దరఖాస్తు ప్రక్రియ గురించి పూర్తిగా తెలుసుకోవాలి.
Advertisement
IFFCO AGT 2025 – ముఖ్యమైన తేదీలు
- నోటిఫికేషన్ విడుదల: 28 ఫిబ్రవరి 2025
- దరఖాస్తు ప్రారంభం: 1 మార్చి 2025
- దరఖాస్తు చివరి తేదీ: 15 మార్చి 2025
- పరీక్ష తేదీ: అధికారిక వెబ్‌సైట్‌లో త్వరలో వెల్లడిస్తారు
IFFCO AGT 2025 అర్హతలు
అభ్యర్థులు B.Sc. అగ్రికల్చర్ (4 సంవత్సరాల కోర్సు) పూర్తిచేసి ఉండాలి. జనరల్/OBC అభ్యర్థులకు కనీసం 60% మార్కులు, SC/ST అభ్యర్థులకు 55% మార్కులు అవసరం. 2022 లేదా ఆ తరువాత B.Sc. అగ్రికల్చర్ పూర్తి చేసిన అభ్యర్థులు మాత్రమే దరఖాస్తు చేసుకోవచ్చు. అలాగే, తమ దరఖాస్తు చేసిన రాష్ట్ర భాషలో చదవడం, రాయడం, మాట్లాడడం వచ్చి ఉండాలి. 2025 మార్చి 1నాటికి అభ్యర్థుల వయస్సు 30 ఏళ్లు మించరాదు.
Advertisement